(资料图片)

既是演员与主持兼唱作歌手嘅姜丽文，同爸爸秦沛感情向来深厚，自细就跟爸爸出入录影厂嘅佢，更借此机会识咗唔少圈中前辈。28日姜丽文就喺社交网晒出一张同张家辉嘅合照，只见头戴Cap帽、身穿蓝白间条T恤嘅张家辉虽然打扮低调，不过望落就精神饱满容光焕发，身形更喺一样Fit到漏，丝毫未见有岁月嘅痕迹外，身穿黑色紧身小背心嘅姜丽文，亦笑容灿烂并写道：“98年《外父唔怕做》识到依家，每次见到张家辉哥哥，佢都记得我个名，都会过嚟揽住我，永远都有好香嘅香水味。”更强调张家辉一直都系最亲切、最温柔同埋最谦虚嘅王者，而姜丽文之所以心情咁靓，原嚟系因为喺配音室偶遇男神张家辉！